chand din pehle rat ko mein apni tenhai ke sath rat ko sahil-e-samundar ki terf nikla to sahil ki thandhi rait per baithe hooe mein ne ghoar se aik lehr ki terf deikha woh samundar se uthi aur sahil se takra ker fana ho gai ,phir aik aur lehr aai woh bi isi terah sahil se takra ke fana ho gae mein yei manzar kafi dair tak deikhta reha .phir mujh se reha na gia to mein ne fana hoti hooi aik lehr se poocha .''eh lehr tu isi samundar se paida hooi aur isi ke sahil se takra ker fana ho gae kia yehi tumhara muqaddar hei?''lehr ne meri terf hairat se deikha aur phir boli.''haan leiken isi fana hone mein hi meri baqa hei''mein hairat se us ke jwab per ghoar ker hi reha tha ke lehr ne mujh se keha ''tu mujhe bata eh ghafil insan tujhe jis zaat ne paida kia aur tu usi ki zaat mein fana hone se darta hei balke us se door rehne mein apni baqa samjhta hei.itni sada bat ko tu nehin samjhta ke teri baqa bi usi ki zaat mein fana hone mein hei jis ne tujhe paida kia'' yei keha aur sahil se takra gai aur mein but bana wohein kharha reha aur sochta reha ke insan kis qadr ghafil hei ......
No comments:
Post a Comment